Ann MaMa Thai Restaurant

營業中

休息中

最近去左旺角一間泰菜店假日去左食Lunch價錢都好抵食🤤餐廳環境以水泥風設計真係好啱打卡📸🔸海蝦炒金邊粉 $78金邊粉炒完都好彈牙，口感唔會過於濕潤，酸甜味亦剛好，海蝦新鮮彈牙。仲配有辣粉、花生碎，撈埋一齊食更惹味。🔸路邊雞翼 $22雞翼外層煎得好香脆，肉質嫩滑多汁，午市套餐可以用優惠價加配，一碟有3隻，價錢好抵！🔸招牌船麵(牛) $108招牌船麵可以揀牛或豬，今次揀左牛。配料有豬肉丸、牛肉、芽菜，豬肉丸口感彈牙，麵掛上濃郁嘅湯汁，啱晒我口味。🔸粟米餅 $18粟米餅炸得酥脆可口，粟米粒非常鮮甜，再沾上酸甜醬汁超正！呢個都係午市套餐嘅加配優惠價，一碟有2件。🔸泰式奶茶奶茶口感濃郁滑順，但泰式奶茶一般味道都係偏甜，比港式奶茶甜。🔸椰汁冰飲落清涼滑爽，椰汁味濃郁，食泰菜必點。