影片
更多
2021-03-13
1288 瀏覽
提起平民日本菜，「和民」絕對係必然選擇之一，唔經唔覺和民已經係香港屹立20年，近日更推出Omakase，$160就可以食到，咁抵食梗係要試下。由前菜到甜品總共有8道菜，夠晒多野食。前菜係凱撒沙律，沙律菜好新鮮，加入煙肉及沙律醬食，作為前菜好開胃。第二道菜係極上中拖羅刺身，刺身係厚切，入口新鮮肥美。食完刺身就到壽司8貫，有拖羅、三文魚、赤蝦、帶子等等，每款料同醋飯都好夾，當中我最喜愛帶子，入口甜美；而三文魚籽一咬落去好多汁，每一件都好好味。食完壽司就開始食熟食了，第一道就係牛油焗帆立貝，呢道菜係我每次去和民必點食物之一，今次Omakase都食到真係開心，帆立貝焗完後外脆內軟，有好香牛油味，入口味道甜甜地，但仍然保留帆立貝鮮味，真係百吃不厭。來到炸物了，先食炸雞，賣相呈金黃色，相當吸引，外皮炸得香脆，雞肉依然嫩滑多汁，個人覺得唔需要沾沙律醬都已經好好味。炸廣島蠔係另一樣我去和民必點菜式，廣島蠔入口熱辣辣，外皮炸得香脆，內裡非常juicy。鰹魚湯味道鮮甜，配料有豆腐及海苔，食飽飽後飲返碗就最適合不過。晚餐尾聲當然要有甜品，係和民農場出產嘅有機蕃薯迷你芭菲，由頂層嘅蕃薯、珍珠、雪糕，到底層嘅粟
由前菜到甜品總共有8道菜，夠晒多野食。
前菜係凱撒沙律，沙律菜好新鮮，加入煙肉及沙律醬食，作為前菜好開胃。
第二道菜係極上中拖羅刺身，刺身係厚切，入口新鮮肥美。
食完刺身就到壽司8貫，有拖羅、三文魚、赤蝦、帶子等等，每款料同醋飯都好夾，當中我最喜愛帶子，入口甜美；而三文魚籽一咬落去好多汁，每一件都好好味。
食完壽司就開始食熟食了，第一道就係牛油焗帆立貝，呢道菜係我每次去和民必點食物之一，今次Omakase都食到真係開心，帆立貝焗完後外脆內軟，有好香牛油味，入口味道甜甜地，但仍然保留帆立貝鮮味，真係百吃不厭。
來到炸物了，先食炸雞，賣相呈金黃色，相當吸引，外皮炸得香脆，雞肉依然嫩滑多汁，個人覺得唔需要沾沙律醬都已經好好味。
炸廣島蠔係另一樣我去和民必點菜式，廣島蠔入口熱辣辣，外皮炸得香脆，內裡非常juicy。
鰹魚湯味道鮮甜，配料有豆腐及海苔，食飽飽後飲返碗就最適合不過。
晚餐尾聲當然要有甜品，係和民農場出產嘅有機蕃薯迷你芭菲，由頂層嘅蕃薯、珍珠、雪糕，到底層嘅粟米片，好有層次，夾埋一齊食都好夾。實在估唔到唔駛$200都可以食到咁有質素嘅Omakase，真係平民嘅一大福音。
張貼
