粥如意

營業中

休息中

好耐無黎愛定商場啦，雖然佢而加叫HANDS，但呢個名真係好唔慣。去左街市買餸，見有間新粥舖開左，仲有啱啱出爐嘅油炸鬼同牛脷蘇，好香啊～午餐就食呢度啦。除左粥外，小店都有幾多其他野食，午餐仲有炒粉麵飯添，見唔少街坊都叫左揚州炒飯，好大碟呀。叫飯嘅話送熱飲，叫粥就有優惠價換飲品，優惠時段叫油器送豆漿（杯裝）。豬潤肉片粥諗緊食咩粥個陣，店員話豬潤新鮮返貨，咁就黎個豬潤肉片啦，粥底綿滑，豬潤爽口鮮味，肉片嫩滑，大大碗足料又好味。油炸鬼食粥要配油炸鬼，新鮮出爐香脆唔油膩，如果可以剪細多少少就好，咁長浸落粥吸唔透嘛。鹹肉粽店員狂推薦自家粽，全部新鮮即日包㗎喎，條咁熱情就叫一隻啦，反正今日端午都無食粽。隻粽真係好綿呀，包著綠豆蓉同肥豬肉粒，肥肉好甘香，入口即化，仲有原隻鹹蛋黃，漏油㗎。嘩！係好出色喎，無推介錯。食左好多澱粉質真係好飽呀，滿足滿足～題外話～順便讚下收銀小哥，街坊入黎問咩都有求必應，好似唔識用安心，唔識裝釘卡，買外賣盒，醬汁分開裝等，態度好又耐心，哈哈，好難得㗎。