紅橋 (已結業)

朋友之前食過紅橋，推介再試，所以我哋再一次嚟食。佢分別有晚餐set同a la Crete menu, 而家都進步咗，用qr code落單就可以啦，我哋分別叫咗一個意粉同一個飯,兩款餐湯小食同飲品。西湯同中湯分別係野菇忌廉湯同 蓮藕豬骨湯黑松露大蝦帶子意粉意粉上到枱已經聞到好濃沃嘅黑松露味,醬汁掛上意粉食到停唔到口,而意粉質感都有少少爽口嘅感覺唔係普通既茶記感覺。香檳忌廉汁海鮮焗飯, 朋友叫咗多汁,上枱勁香同好多芝士, 超級濃郁. 海鮮包括蝦帶子蜆魚柳同蘑菇, 啖啖都食到汁同芝士鹹香。小食蒜蓉包同蜜椒雞翼兩款都十分香口，雞翼食落去食到嗰陣蜜糖嘅甜味，個面炸得夠脆。最後仲要提一提佢嘅紅豆冰 佢並唔係杯上係碗上 食落去好似甜品一樣, 濃沃嘅花奶味加少少椰香，仲有佢大量紅豆好適合做飯後甜品！佢個Menu真係超級多元化，一定會有啱你食嘅！