煲師傅砂鍋小菜

營業中

休息中

忽發奇想想食雞煲， 但又唔想成日幫襯連鎖大店， 想支持下啲小店， 就搵到呢間新開嘅任食雞煲放題。每位$218加1， 任飲任食兩小時， 價錢合宜。可以揀芝士雞煲或者麻辣雞煲， 我哋就揀咗麻辣雞煲， 麻辣汁非常入味， 每一件雞都索曬啲汁， 雞件嘅份量都幾多， 特別值得稱讚嘅係， 大部份雞都係雞髀位，只有單骨，啖啖肉。食完雞煲就可以開始打邊爐放題， 可以揀嘅配菜種類都唔少，有40幾款， 當中包括美國肥牛、蒙古羊肉片、黑豚肉、海蝦 同黃喉等等。肥牛同黑豚肉都薄得黎好大片，肉質同口感都唔錯；海蝦新鮮大隻，食落幾甜；水魷同黃喉都幾爽口又有咬口，唔會過韌； 蟹柳雖然係大路野，但呢間既蟹柳棒幾好食幾甜；仲有佢既自家製豬肉餃好足餡，可以試下。最後以Häagen-Dazs 作結尾，好滿足，第一次食summer berries and cream口味 ，覺得好好食，推介。