梨滿園韓國料理 (已結業)

去左樂富商場行街，原來個商場都幾大。行過梨滿園韓國料理，聞到好香燒肉味，即刻覺得好肚餓，睇睇價錢，$188任食，幾抵，一於食呢間做我地晚餐。餐廳顏色配搭好有韓國風味，坐得舒服。原來呢度唔一定要食放題，淨食晚餐都有。雖然任食餐牌得兩頁，但都幾多野食，牛豬雞、海鮮、刺身、熱食、前菜選擇。我哋乜都點乜都試，肉類選揀多，新鮮好味，燒完夾生菜加泡菜，點少少醬料食，真係一流。燒蝦都好正，大隻、蝦肉彈牙，上邊仲有調味，吸引。熱食類都好正，豆腐辣湯驚喜，滾住上台，材料十足，湯濃，唔太辣，飲完想再飲。芝士年糕拉麵，拉絲芝士，年糕煙煙靭靭，好鐘意。燒左幾轉後實在太飽，連雪糕都食唔落。下次再黎試。