名館 (希慎廣場) (已結業)

位於銅鑼灣希慎廣場嘅名館，以為好貴？非也。入到去係新派既中菜館，以廣東菜同上海菜為主。入面裝修好高級，但係餐牌竟然係難得有親民價錢，而且賣相精緻嘅中菜，全部都igable!!!👍🏻前菜先黎一份京川汁秋葵，冷盤，冰涼爽脆，個汁有少少酸少少辣，吊起秋葵本身既清新味，亦為味蕾帶來享受。煙燻嫩滑妙齡鴿細細隻，皮脆香口，肉質嫩滑太極馬拉糕賣相係一個太極既圖案，用兩種味道既馬拉糕拼成，有原味同芝麻味。質地非常鬆軟，甜度亦剛剛好👍🏻京川手工滑餃子個汁同秋葵個汁一樣，非常好味。餃子亦絕不欺場，粒粒足料，啖啖滿足。花膠海皇魚翅撈飯人生第一次真係用魚翅撈飯🤩個飯仲突登整到成個飯焦波，有飯焦香亦唔怕啲飯浸淋晒，手工唔少野，絕對唔欺場。黃金蝦球大大舊，實實正，鹹蛋香，但亦食得出蝦既鮮味👍🏻