巴剎雞飯 (已結業)

餐廳裝修都好有風味，menu上主要係食飯、麵同埋小食等等，但係飲品種類又幾多款，價錢亦都好親民，唔怪得知晚飯嘅時間都咁多人。巴剎雞飯佢雞件嘅數量都幾多，雞件肉質都好滑，仲可以點埋佢嘅青醬 ，酸酸辣辣咁好開胃。佢嘅油飯亦都好香，忍唔住一啖接一啖。炭燒沙嗲 6串佢嘅沙嗲可以由豬/牛/雞入邊揀兩款，今次就揀咗豬同埋牛，首先讚一讚嘅係，佢上枱嘅時候會用一個迷你嘅炭爐，入邊真係有粒炭㗎，所以就會好香炭香味，配上佢嘅沙嗲醬，好惹味，值得推介。山打根皮淨蛋餃呢個皮蛋餃喺出邊好少見到，佢有湯餃或者炸餃，唔想咁熱氣嘅可以嗌湯餃，入邊嘅豬肉加埋皮蛋嘅鹹香味，好好食。油菜油菜就正常發揮。羅漢果龍眼冬瓜茶杯嘢飲主要味道係羅漢果味較重，而冬瓜茶龍晏就帶少少甜味，佢就唔係好甜嗰啲飲品，飲落去有健康嘅感覺。百香果烏龍冷泡茶平時啲冷泡茶會好口寡，但係佢呢個留咗少少百香果，少少甜，但係果香味會令到佢個味道豐富咗。