影片
更多
2014-06-28
872 瀏覽
星期日同一班教會小組朋友晌青衣城食完飯，再到盈翠會所打保齡，喺個大人細路開心同樂日。美心又有新蛋糕推出，仲要喺可愛嘅熊貓造型，一定好啱用嚟氹小朋友，一於熊貓蛋糕做飯後甜品啦 ！今次名為「kiss kiss熊貓」系列，原來喺美心為全力支持世界自然基金會（WWF）嘅合作，期望宣掦保育訊息，加上近日周圍都有「紙熊貓」快閃嘅蹤影，遲啲1,600隻「熊貓」仲會落戶到中環 PMQ元創方，繼續引起唔少熱話。是次系列，除咗「kiss kiss熊貓」蛋糕之外，仲有打孖上嘅「熊貓仔仔」、「熊貓女女」甜品杯，前者蛋糕賣$168一個，每賣出一個美心就會捐$5俾WWF ；而後者甜品杯則賣$26一杯，賣出一個亦會捐$1俾WWF。捐款額以$70,000為上限，如果無上限就更好啦 ！ kiss kiss熊貓蛋糕 $168 外型的確幾討好，外表圓圓滑滑，一雙超大「熊貓眼」。朋友個大仔就幾鍾意，但似乎個細仔摸摸自己個頭，以為我哋講緊似佢添，個樣有啲唔高興咁，哈哈 。個蛋糕以「石板街味道」為藍本，鬆脆嘅餅乾餅底、富彈力嘅海綿蛋糕、香濃嘅朱古力慕絲、夾雜粒粒棉花糖，最驚喜喺朱古力慕絲有點點果仁碎，口感富層次
今次名為「kiss kiss熊貓」系列，原來喺美心為全力支持世界自然基金會（WWF）嘅合作，期望宣掦保育訊息，加上近日周圍都有「紙熊貓」快閃嘅蹤影，遲啲1,600隻「熊貓」仲會落戶到中環 PMQ元創方，繼續引起唔少熱話。
是次系列，除咗「kiss kiss熊貓」蛋糕之外，仲有打孖上嘅「熊貓仔仔」、「熊貓女女」甜品杯，前者蛋糕賣$168一個，每賣出一個美心就會捐$5俾WWF ；而後者甜品杯則賣$26一杯，賣出一個亦會捐$1俾WWF。捐款額以$70,000為上限，如果無上限就更好啦 ！
kiss kiss熊貓蛋糕 $168 外型的確幾討好，外表圓圓滑滑，一雙超大「熊貓眼」。朋友個大仔就幾鍾意，但似乎個細仔摸摸自己個頭，以為我哋講緊似佢添，個樣有啲唔高興咁，哈哈 。
個蛋糕以「石板街味道」為藍本，鬆脆嘅餅乾餅底、富彈力嘅海綿蛋糕、香濃嘅朱古力慕絲、夾雜粒粒棉花糖，最驚喜喺朱古力慕絲有點點果仁碎，口感富層次 ，而最外層嘅雲呢拿慕絲亦香滑少甜，無怪乎大家都讚個蛋糕做得出色 。
熊貓仔仔、熊貓女女甜品杯 @$26睇介紹牌，雙雙對對嘅甜品杯，熊貓仔仔喺朱古力味，而熊貓女女喺士多啤梨味，兩個杯面都有張可愛仔仔、女女卡，一睇個外形就知邊個喺仔仔，邊個喺女女。好味嗎？試吓就知！
題外話，話說我哋飯後仲有打保齡活動，結果，成績都唔及啲細路，無他嘅，佢哋「慢流」嘅打法加埋兒童專享嘅「防撞欄」 ，包唔落坑，局局有分，再者，小弟打保齡又的確喺屎波嘅 。
個熊貓系列會做到幾時？以美心一向轉款快又經常出新產品，有興趣嘅朋友都喺盡快買嚟試試，免得蘇州過後無艇搭 。
張貼
