影片
更多
2017-05-05
86 瀏覽
阿囝今個月生日，有個朋友個囝同佢都friend嘅，就約埋食飯同佢慶祝生日咁有小朋友就緊係要揀啲啱小朋友食嘅餐廳啦～search 左好多親子餐廳都收好早，或者喺啲工廈入面嘅就星期六、日先有親子野開放咁唯有由食物入手揀俾小朋友，睇中呢度有主食又有甜品！咁講到明慶祝生日，本來諗住買個生日蛋糕，點知睇返要收$80切餅費💰都幾貴，不過我諗應該係因為呢度有主打甜品，所以要收呢個價錢，等客人食返佢地嘅甜品～我地都係因為呢個原因，無買到蛋糕，Order返呢度嘅甜品～親親蜜語嚟做生日蛋糕，都係$78，仲平切餅費$2‼️一早打左去book枱，所以唔洗等位，book左20:00，去到有一枱客喺門口等緊～所以嚟呢度都建議book定枱先穩陣😎2個大人，2個小朋友Order：珍珠奶茶、野莓沙冰、士林炸雞、牛肉拉麵、海鮮泡菜蛋餅、雞肉抱泡鍋飯、野莓朱古力親親蜜語其中珍珠奶茶、牛肉拉麵唔記得影相😙☕️珍珠奶茶：同一般台灣嘅差唔多，唔太淡，都係奶味重過茶味，珍珠佔飲品4分1左右🍲牛肉拉麵：牛肉係腩位，有菜同半隻溫泉蛋，但唔係拉麵，係彈牙烏冬，味道同茶木嘅一樣，湯夠濃，好味‼️講係野莓，但我覺得士多啤梨味重，唔係野莓咁酸，係士
咁有小朋友就緊係要揀啲啱小朋友食嘅餐廳啦～search 左好多親子餐廳都收好早，或者喺啲工廈入面嘅就星期六、日先有親子野開放
咁唯有由食物入手揀俾小朋友，睇中呢度有主食又有甜品！
咁講到明慶祝生日，本來諗住買個生日蛋糕，點知睇返要收$80切餅費💰都幾貴，不過我諗應該係因為呢度有主打甜品，所以要收呢個價錢，等客人食返佢地嘅甜品～我地都係因為呢個原因，無買到蛋糕，Order返呢度嘅甜品～親親蜜語嚟做生日蛋糕，都係$78，仲平切餅費$2‼️
一早打左去book枱，所以唔洗等位，book左20:00，去到有一枱客喺門口等緊～所以嚟呢度都建議book定枱先穩陣😎
2個大人，2個小朋友
Order：珍珠奶茶、野莓沙冰、士林炸雞、牛肉拉麵、海鮮泡菜蛋餅、雞肉抱泡鍋飯、野莓朱古力親親蜜語
其中珍珠奶茶、牛肉拉麵唔記得影相😙
☕️珍珠奶茶：同一般台灣嘅差唔多，唔太淡，都係奶味重過茶味，珍珠佔飲品4分1左右
🍲牛肉拉麵：牛肉係腩位，有菜同半隻溫泉蛋，但唔係拉麵，係彈牙烏冬，味道同茶木嘅一樣，湯夠濃，好味‼️
野莓沙冰
9 瀏覽
0 讚好
0 留言
講係野莓，但我覺得士多啤梨味重，唔係野莓咁酸，係士多啤梨嘅甜味，呢杯係order俾我囝，所以食完野再飲，沙冰已經溶左，變左士多啤梨汁，但都好味
士林炸雞配麻辣沙拉醬
$68
10 瀏覽
0 讚好
0 留言
士林炸雞，炸嘅外皮略嫌厚左少少，但味夠，唔點醬都夠味，原本呢份雞有5種醬味揀～1️⃣蔬果番茄沙沙、2️⃣蒜香沙拉醬、3️⃣麻辣沙拉醬、4️⃣黑胡椒、5️⃣（唔記得左🙊），我地揀左麻辣沙拉醬，但一啲都唔麻辣，似蛋黃醬多啲，但好味嘅～
海鮮泡菜蛋餅
$68
9 瀏覽
0 讚好
0 留言
泡菜真係有啲辣，唔啱小朋友食，而且蛋無味，只係有質感嘅蛋皮，差少少
雞肉抱泡鍋飯
$118
19 瀏覽
0 讚好
0 留言
呢個抱泡鍋飯係呢度嘅特色食物，仲放喺Menu嘅第一頁，所以點都想試下，叫左個雞肉餡，嚟到真係覺得外型好吸引，睇落去似麵包，但原來係蛋白嚟嘅，用匙羹一筆就打開，入面係雞肉配汁飯，但個蛋白皮同蛋餅一樣都係無味嘅，質感似綿花糖，就算同啲飯一齊食因爲質感問題都唔覺有咩特別，似食緊空氣咁，但飯就ok，野味嘅，所以最後我地食哂雞肉飯，個蛋白外皮就無咩點食過🙅🏻
野莓朱古力親親蜜語
$78
9 瀏覽
0 讚好
0 留言
呢個先係我地今晚嘅主角🎂Happy Birthday to my son👦🏻我囝7歲喇～呢個係野莓朱古力，但我都係覺得係士多啤梨味，連雪糕都係🍦但就唔覺有朱古力，連伴碟都係士多啤梨醬🍓呢個甜品係綿花糖包住蜜糖吐司磚塊，但比起茶木磚塊比較少，雪糕亦少啲，價錢同茶木差唔多，我諗我會食返茶木，呢度係多左層綿花糖，但上枱5分鐘喥就已經差唔多溶淨得返少少，影完相都所淨無幾Lu，但味道係好味嘅，係覺得唔扺食唧😙
張貼
