漁屋日本料理 (荃新天地2) (已結業)

舖位真係好細一眼望哂..一開波叫刺身同其他熱食..點知係熱食黎先..刺身起碼等左3個字先黎點解我地咁心急..係因為只限食90分鐘..d野飲係任飲...可惜d汽水係好淡ga唔知佢係溝水定係比d a貨我地...講番d野食先. 刺身 - 甜蝦唔掂有頭好麻煩蝦身又唔多新鮮, 赤貝唔知點解勁爆咸囉, 八爪魚硬到死食到牙骹都甩咁滯, 三文魚, 北寄貝, 帶子都算唔錯. 炸蠔可以推介...新鮮熱辣炸起咬落好有蠔味. 金菇肥牛唔錯 燒羊同三文魚頭食得落都可以叫下既..不過羊唔似羊囉..三文魚頭就好肥6:45分入座$158不設加一我地係lee段時間入..咁既質數真係覺得唔抵呀..因為d刺身真係上得太慢.唔知係冇師傅定係一段招數la..我之前睇到d網友講都唔係咁差ga..又或者出出地名就變左質la..我地一坐抵係冇杯茶比我地..cut左單唔比再添汽水係正常..但比杯茶都得掛...點知..乜都冇仲要係到趕我地走...扮多客..因為跟住個段時間係$188..基本上係冇乜人係冇人係出面等同埋仲有張長枱係冇人坐ga..咁既服務真係...d員工冇問題呀反而個老細要檢討下呀一hit少少就咁既態度對客係唔得ga!!!l