Cobber Coffee and Tonys Pastry (裝修中)

誇張啲講我覺得係我喺香港食過最好食嘅疏乎厘🫣🫣🫣呢間cafe一直人氣高企，晚上六點就開始要排隊。之前食過幾次，無論係主食定係甜品都有一定嘅質素。今次主要食左2款甜品🍮✨意大利芝士熔岩 $98甜品外圍有一個膠圈入面係滿滿嘅意大利芝士熔岩，拎起個膠圈入邊嘅熔岩就會流晒出嚟，打卡一流。入面嘅都係疏乎厘，極有空氣感之餘，有好濃好重嘅蛋香，配合佢嗰個有啲咖啡酒味嘅熔岩，完全唔會過甜。✨伯爵茶忌廉糖漬橙片梳平厘班戟 $129超推介入邊嘅疏乎厘其實同芝士熔岩嘅一樣，反而值得推介嘅係佢嘅伯爵茶忌廉配糖漬橙片，茶香橙香，極少有食到咁特別嘅疏乎厘口味，而且係好夾！完全識食到各款食材嘅味道而且好清新！