緣味小聚 (93WYS)

營業中

休息中

觀塘180分鐘蒸氣海鮮放題，價錢係$348再減$50，即係$298一位咋！首先會上個海鮮拼盤，有龍蝦，南非鮑魚，法國生蠔，海蝦，聖子，大蜆。仲有店員專人服務，幫我地一樣一樣咁蒸，計好晒時間，啲海鮮蒸到啱啱好！龍蝦好厚肉而且肉質彈牙鮮甜，鮑魚蒸到剛剛好完全一啲都唔會靭，聖子同海蝦都好爽口，生蠔肥美鮮甜！我地蒸完海鮮食就加左個粥底椰子雞湯打邊爐，除左海鮮拼盤，仲有好多配料可以任叫。我地叫左安格斯肥牛，安格斯牛肩胛，澳洲M5和牛，西班牙黑毛豬，肉類質素都幾好！蔬菜選擇亦好多，我地點左生菜，金菇，萵筍，冬瓜，栗米，南瓜，娃娃菜，蔬菜都好新鮮，每份份量唔多，食完再點唔會浪廢食物。另外仲點左海帶結，魚皮，響玲，陳皮魚蛋，芝心丸，豆卜，水餃，應有盡有！