鰹烏冬 (駱駝漆大廈第三座)

營業中

休息中

觀塘真係好多好嘢食，今日嚟到呢間食烏冬嘅小店，裝修唔算好華麗，主要就係食佢嘅味道～佢間唔中都有啲期間限定嘅烏冬，今次就叫咗個蜆肉嘅湯烏冬，同埋一個拌蛋烏冬配骨付雞，湯烏冬定撈烏冬兩款都各有特色，佢哋烏冬唔係出面買返嚟嘅感覺，有種手打自家制嘅感覺，比較粗身，食落去都好飽肚！湯烏冬個湯底就比較清，而撈烏冬因為有蛋黃喺度，食落去比較滑身，有creamy嘅感覺，我個人就比較鍾意食撈烏冬！同埋呢度價錢唔貴，下午茶仲特別平，幾十蚊食到一碗，鍾意食烏冬可以嚟試吓！