Give Me 5 (已結業)

🚩Give Me 5工廠區都有半自助餐食咁正！位於觀塘嘅依間餐廳無論午市晚市都有自助吧，包保大家食到飽飽先離開～餐廳座位舒適，行人通道都好闊落，自助吧成日出出入入都唔會撞到人😎〰️〰️〰️〰️〰️〰️〰️〰️〰️〰️〰️〰️〰️〰️自助Bar佔地雖小，但五臟俱全💕晚市仲有大蝦青口等等嘅凍海鮮任食，絕對係回本位🦐熱食方面仲有巨型巴馬臣芝士，師傅會即場撈意粉俾你食，意粉新鮮煮起夠晒汁，唔會乾爭爭✨另外仲有燒牛扒同西班牙脆豬腩，不過依兩款就比較搶手，大家要望實出場位置🫡食完前菜梗係嚟到我哋嘅主食，每人可以叫一款☝🏻🌈燒澳洲羊T骨配燒汁 $258🌈澳洲肉眼扒配燒汁 $268工廠扒房黎講餐廳出品絕對有驚喜，大概已經係五星酒店級數✨不論牛同羊，肉厚但完全不柴，有汁💦絕對推薦大家叫多幾個朋友，每款一齊share食食飽飽之後唔好忘記仲有甜品‼️幫大家試勻晒全部，絕對冇伏，蛋糕仔好濃味，唔係藥水嘅味道😌雪糕都有好多隻味，絕對滿足晒大家嘅甜品胃