影片
更多
2024-02-09
342 瀏覽
《Black Coffee - 觀塘》唔講唔知，觀塘其實都幾多不錯既coffee shop的，因為工作關係，今次要搵間可以坐耐少少既coffee shop做下野順便食埋午餐🍱同事帶左我黎位於裕民坊既Black Coffee🫰🏻以為只有輕食啦，點知佢既咸食都幾多options選擇，我同同事每人叫左一個主食、一杯飲品同埋一個甜品share🤣咁就坐左成個下午直到放工，outing 做野真心爽🫶🏻💁🏻♀️厚泡沫黑咖啡要做嘢嘅關係，真係需要飲杯勁少少嘅咖啡提提神🥹呢一杯厚泡沫黑咖啡個樣睇落好得，飲落仲得👍🏻雖然係齋啡冇加任何糖同奶，但係多咗層泡沫喺度感覺更滑溜，我個人覺得幾好飲👍🏻💁🏻♀️慢煮牛面肉配蒜蓉炒意大利麵我同朋友share咗兩個主食，個牛面肉煮得好淋好好食哇😍餐廳會將個牛面肉同個炒意粉分開上，炒意粉用左牛油🧈同蒜蓉炒香，混埋牛肉汁一齊食都幾惹味，比起個牛面肉，其實我覺得用嚟墊底嘅蔬菜都好好食，應該係陪同個牛肉一齊燉煮的，十分入味👍🏻推介💁🏻♀️香煎口水雞扒窩夫另外一個主食就試左個咸食既窩夫🧇個口水雞扒有驚喜喎😍雞扒肉滑溜唔嚡口，個汁食食下都幾辣的，不過辣得黎好開胃好惹味，會想一啖接一啖
唔講唔知，觀塘其實都幾多不錯既coffee shop的，因為工作關係，今次要搵間可以坐耐少少既coffee shop做下野順便食埋午餐🍱同事帶左我黎位於裕民坊既Black Coffee🫰🏻以為只有輕食啦，點知佢既咸食都幾多options選擇，我同同事每人叫左一個主食、一杯飲品同埋一個甜品share🤣咁就坐左成個下午直到放工，outing 做野真心爽🫶🏻
💁🏻♀️厚泡沫黑咖啡
要做嘢嘅關係，真係需要飲杯勁少少嘅咖啡提提神🥹呢一杯厚泡沫黑咖啡個樣睇落好得，飲落仲得👍🏻雖然係齋啡冇加任何糖同奶，但係多咗層泡沫喺度感覺更滑溜，我個人覺得幾好飲👍🏻
💁🏻♀️慢煮牛面肉配蒜蓉炒意大利麵
我同朋友share咗兩個主食，個牛面肉煮得好淋好好食哇😍餐廳會將個牛面肉同個炒意粉分開上，炒意粉用左牛油🧈同蒜蓉炒香，混埋牛肉汁一齊食都幾惹味，比起個牛面肉，其實我覺得用嚟墊底嘅蔬菜都好好食，應該係陪同個牛肉一齊燉煮的，十分入味👍🏻推介
💁🏻♀️香煎口水雞扒窩夫
另外一個主食就試左個咸食既窩夫🧇個口水雞扒有驚喜喎😍雞扒肉滑溜唔嚡口，個汁食食下都幾辣的，不過辣得黎好開胃好惹味，會想一啖接一啖咁食，同埋後面既沙律菜都絕對唔馬虎，食落新鮮爽口，點少少口水雞汁都已經好好食，呢個主食我大推
💁🏻♀️綠茶鮮奶
朋友係綠茶愛好者，基本上每次同佢食飯佢都係叫抹茶類飲品，佢對呢杯latte既評價不錯，茶味幾出同埋唔會太甜，咁先飲得到抹茶香，可以一試的
💁🏻♀️自家製髒髒提拉米蘇
我個人其實對Tiramisu 既興趣唔太大，不過見到隔籬枱嘅人叫咗，睇落好吸引而且份量好大😏反正都想食甜品，就一於試吓囉😉不過好彩有試，呢個髒髒Tiramisu嘅味道好有驚喜，有微微嘅酒香得來又食得到好香濃嘅蛋黃味，有別於出邊食到嘅忌廉口感，佢呢個質感更加似吉士醬嗰種，但係真係好濃蛋味，配埋咖啡粉同朱古力粉唔會太甜，配咖啡一流，我哋邊做嘢邊食甜品真係勁爽🤣
張貼
