影片
更多
2019-10-16
68 瀏覽
好鍾意去觀塘覓食，貪佢選擇夠多之餘價錢又唔係好貴，但就已經可以食到好多好高質嘅餐廳。今次呢一間佔地好大，驟眼睇都有百幾200個座位。而且一入到去侍應嘅服務好貼心，會主動行埋你問你哋需要啲乜嘢，加咗好多分🔥佢每晚都有一個set menu，而且逢星期一三夜晚六點後單點主菜仲有買一送一！北海道帶子麵包蟹皇闊條麵伴壓縮俄羅斯魚子醬套餐 ($258)套餐入面包括巴馬火腿楊桃沙律、韓式泡菜醬火炙澳洲藍鮑魚、餐湯、主菜、甜品及餐飲。淨係聽到咁多野都已經知道好抵食！首先要大讚跟餐湯送上嘅麵包🥖，超軟熟又熱辣辣，我食咗類似五穀麵包，令一個麵包係微粒蕃茄麵包，勁好味🥰餐湯🍲好濃郁，口感好厚，食到薯仔粗粒🥔，真係好足料。楊桃放入沙律入面都係第一次見！但估唔到味道出奇地夾，甜甜酸酸咁再加埋巴馬火腿，口感有層次，多重味覺享受。鮑魚又係另一個驚喜位，傳統中式鮑魚食得多，西式煮法真係第一次試，仲要加埋韓式泡菜，泡菜嘅香味同埋微辣同平時食開嘅果皮蒸鮑魚完全唔同感覺，鮑魚仲要好滑好容易咬開🤤輪到主菜帶子闊條麵配魚子醬，帶子係XL size，仲要煎香左兩邊，意粉裏面落左好多芝士，仲要重忌廉，邪惡得來又令人欲罷不能。意粉略
好鍾意去觀塘覓食，貪佢選擇夠多之餘價錢又唔係好貴，但就已經可以食到好多好高質嘅餐廳。今次呢一間佔地好大，驟眼睇都有百幾200個座位。而且一入到去侍應嘅服務好貼心，會主動行埋你問你哋需要啲乜嘢，加咗好多分🔥佢每晚都有一個set menu，而且逢星期一三夜晚六點後單點主菜仲有買一送一！
北海道帶子麵包蟹皇闊條麵伴壓縮俄羅斯魚子醬套餐 ($258)
套餐入面包括巴馬火腿楊桃沙律、韓式泡菜醬火炙澳洲藍鮑魚、餐湯、主菜、甜品及餐飲。淨係聽到咁多野都已經知道好抵食！
首先要大讚跟餐湯送上嘅麵包🥖，超軟熟又熱辣辣，我食咗類似五穀麵包，令一個麵包係微粒蕃茄麵包，勁好味🥰餐湯🍲好濃郁，口感好厚，食到薯仔粗粒🥔，真係好足料。
楊桃放入沙律入面都係第一次見！但估唔到味道出奇地夾，甜甜酸酸咁再加埋巴馬火腿，口感有層次，多重味覺享受。
鮑魚又係另一個驚喜位，傳統中式鮑魚食得多，西式煮法真係第一次試，仲要加埋韓式泡菜，泡菜嘅香味同埋微辣同平時食開嘅果皮蒸鮑魚完全唔同感覺，鮑魚仲要好滑好容易咬開🤤
輪到主菜帶子闊條麵配魚子醬，帶子係XL size，仲要煎香左兩邊，意粉裏面落左好多芝士，仲要重忌廉，邪惡得來又令人欲罷不能。意粉略嫌硬左少少，如果可以淥多一陣就更完美！
火山石燒澳洲M6和牛牛腹扒配意大利香芹醬 ($328)
再試埋另一個套餐，無牛不歡嘅我當然例牌都要食牛肉。上碟嘅時候有牛腹扒係長身一條既形狀。順帶一提每道菜上碟嘅時候都好似藝術品咁，擺設好精緻！講返牛扒本身好淋，叫咗五成熟真係冇煮過頭。外面先到微脆，入面仲係半生熟嘅狀態，但係又唔會有血水流出嚟！牛扒嘅位置好靚，唔會有一大條根黐住喺度咬到痴晒牙💕牛肉味好重，但又唔係蘇味，肉汁好豐富，咬落去嘅時候食得出肉好鮮甜🥰
最後仲食埋個甜品，係一個好滑身嘅奶凍，唔會太甜，又有淡淡嘅奶香味🍮最後再叫埋一杯熱茶真係好圓滿🍵
張貼
