Bella Shine (已結業)

上午上完視像課堂，同阿女裏來到觀塘行街Shopping, 對自己好一點，對家人都好一點，吃個靚午餐才去商場作戰，這餐廳 好抵食，full set lunch，有湯有包，最後仲有甜品送。午餐好多選擇，牛、羊、豬、魚......，頭盤可以選擇沙律或餐湯，當然我們兩樣都想試，所以各點一個。紫薯忌廉湯~顏色已經好吸引，質地又香又滑，味道甜甜的紫薯湯一定要試。無論湯或沙律都會跟蒜蓉包，正呀！韓汁沙律(微辣)~車厘茄、紫椰菜、生菜、泡菜等等，最開心食到有獨特味道的火箭菜。日式鰻魚玄米茶漬飯~近排想吃鰻魚好耐，今日遇上午餐有，好開心，香濃茶湯浸住粒粒珍珠飯，大大件厚身鰻魚，灑上紫菜碎，賣相已經相當吸引，這個配搭第一次嘗試已經愛上了。澳洲黑安格斯肉眼牛扒( 配牛肝菌燒汁) ~點七成熟，廚師果真有料到，好準確，唔會太生，肉質嫩滑，十分juicy。仲有新鮮熱辣辣炸起的薯條。午餐飲品，凍檸茶及咖啡，糖漿的份量可按自已喜好隨意添加，忌廉/奶是暖的，好貼心。最後，餐廳送上每人兩件甜品，朱古力brownie及忌廉泡芙，為今天這個午餐劃上完美的句號。