影片
更多
2010-02-08
141 瀏覽
10月30日, 呀比今日又放懶人假! 所以可以黎觀塘陪勤力返工嘅我食lunch~ 我一於帶佢去我平時食開嘅平民廣場食越南野!::: 雞絲撈檬 + 凍檸茶 ::: $26呢個雞絲撈檬係我食過其他撈檬之後覺得呢間野最好食嘅! 首先一見到d擺得咁整齊嘅配料就已經要加分~ 除咗主角雞絲之外, 仲有生菜絲, 酸蘿蔔絲, 花生, 蒜粒同蔥粒, 真係夠晒足料! 檬汁呢絕對係佢地自家調製因為次次都唔同味… 但普遍黎講都算甜酸適中. 最鐘意佢d雞絲夠碎! 可以同其他配料一齊同檬粉撈勻~ 啖啖都味道豐富! ::: 越式三寶飯 + 凍奶茶 ::: $26因為都唔知食乜好, 所以叫個三寶就可以食均晒d基本越南料~ 分別有香茅豬扒, 香茅雞翼同扎肉. 面頭都加咗d蔥蒜所以聞落好香, 而飯就撈咗豉油, 整體都唔怕乾~ 香茅豬扒係最好味, 十分入味, 豬扒都係軟熟嗰隻~ 反而雞翼得一隻, 仲要麻麻地, 扎肉都係普通貨色, 不過$26連飲品又真係冇乜要求, 都食得過嘅~黎得觀廣食野, 環境service都唔好有expectation! D枱櫈開晒喺條走廊度, 人來人往, 真係快食快走! 但觀乎呢頭工廠區嘅越南野都要成
::: 雞絲撈檬 + 凍檸茶 ::: $26
呢個雞絲撈檬係我食過其他撈檬之後覺得呢間野最好食嘅! 首先一見到d擺得咁整齊嘅配料就已經要加分~ 除咗主角雞絲之外, 仲有生菜絲, 酸蘿蔔絲, 花生, 蒜粒同蔥粒, 真係夠晒足料! 檬汁呢絕對係佢地自家調製因為次次都唔同味… 但普遍黎講都算甜酸適中. 最鐘意佢d雞絲夠碎! 可以同其他配料一齊同檬粉撈勻~ 啖啖都味道豐富!
::: 越式三寶飯 + 凍奶茶 ::: $26
因為都唔知食乜好, 所以叫個三寶就可以食均晒d基本越南料~ 分別有香茅豬扒, 香茅雞翼同扎肉. 面頭都加咗d蔥蒜所以聞落好香, 而飯就撈咗豉油, 整體都唔怕乾~ 香茅豬扒係最好味, 十分入味, 豬扒都係軟熟嗰隻~ 反而雞翼得一隻, 仲要麻麻地, 扎肉都係普通貨色, 不過$26連飲品又真係冇乜要求, 都食得過嘅~
黎得觀廣食野, 環境service都唔好有expectation! D枱櫈開晒喺條走廊度, 人來人往, 真係快食快走! 但觀乎呢頭工廠區嘅越南野都要成$40埋單… 睇錢食飯嘅大前提下呢度都不失為一個好選擇.
張貼
