影片
更多
2024-09-21
325 瀏覽
👧🏻😋👅🍽✨觀塘又一間又靚又好食西餐廳☺️-🍽️ 觀塘碼頭附近既Two Harbour Square係商廈, 但一樓都有食肆, GAVI食靚西餐, 環境好靚, 仲有室內/戶外場地可供100-150人包場catering🍽️ 雖然係QR code落單, 但店員都會介紹菜單同推廣優惠, 全部後生仔女好有活力亦好有禮, 餐廳仲會定時轉換戶外裝置, 今期有大大個月球打卡位好靚!!-🥩 燒焗澳洲牛肋骨配泰式紅酒汁 $368💯連骨上但拆晒肉, 有兩大排份量十足, 牛肋肉唔會太重油脂但肉質嫩滑多汁, 畫龍點睛既係泰式紅酒汁, 微辣帶紅酒香甜, 層次豐富, 真係令牛味更突出-🦞 香濃蟹肉龍蝦湯 $68 加酥皮 $20✨酥皮好香牛油味, 有輕輕煙韌質感唔會太酥太乾, 無論就咁食或浸湯都一流✨龍蝦湯有大量蟹肉碎, 湯底濃郁又唔會太杰, 鮮味唔會得個鹹字-🐠 挪威三文魚洋蔥他他配香脆多士 $148💯三文魚肥美細嫩, 配上洋蔥粒鮮甜唔刺激, 白多士細細塊好脆口, 襯托他他突出鮮味唔搶風頭-🍲 松露野菌帶子意大利飯 $158✨除左risotto汁有黑松露, 飯面竟然有白松露油‼️好耐冇見過咁高質既中價位西餐, 每一啖飯
觀塘又一間又靚又好食西餐廳☺️
-
🍽️ 觀塘碼頭附近既Two Harbour Square係商廈, 但一樓都有食肆, GAVI食靚西餐, 環境好靚, 仲有室內/戶外場地可供100-150人包場catering
🍽️ 雖然係QR code落單, 但店員都會介紹菜單同推廣優惠, 全部後生仔女好有活力亦好有禮, 餐廳仲會定時轉換戶外裝置, 今期有大大個月球打卡位好靚!!
-
🥩
燒焗澳洲牛肋骨配泰式紅酒汁 $368
💯連骨上但拆晒肉, 有兩大排份量十足, 牛肋肉唔會太重油脂但肉質嫩滑多汁, 畫龍點睛既係泰式紅酒汁, 微辣帶紅酒香甜, 層次豐富, 真係令牛味更突出
-
🦞
香濃蟹肉龍蝦湯 $68 加酥皮 $20
✨酥皮好香牛油味, 有輕輕煙韌質感唔會太酥太乾, 無論就咁食或浸湯都一流
✨龍蝦湯有大量蟹肉碎, 湯底濃郁又唔會太杰, 鮮味唔會得個鹹字
-
🐠
挪威三文魚洋蔥他他配香脆多士 $148
💯三文魚肥美細嫩, 配上洋蔥粒鮮甜唔刺激, 白多士細細塊好脆口, 襯托他他突出鮮味唔搶風頭
-
🍲
松露野菌帶子意大利飯 $158
✨除左risotto汁有黑松露, 飯面竟然有白松露油‼️好耐冇見過咁高質既中價位西餐, 每一啖飯都好香松露味, 唔會俾忌廉汁遮左, 帶子大大粒鮮甜軟滑
松露野菌帶子意大利飯
2 瀏覽
0 讚好
0 留言
-
🍹
柚子檸檬蝶豆花梳打 $42
💯顏色分層好靚, 夏天飲soda係搶住灌😂 柚子檸檬酸酸甜甜唔會太膩, 加上蝶豆花更清新
張貼
