金記冰室 (Two Harbour Square) (已結業)

之前經過金記冰室，佢仲裝修緊，今次見到外賣平台有呢間舖頭，就即刻試吓先。佢menu上面選擇唔算好多，自己比較想試焗野/常餐，常餐好似間間都差唔多咁，所以試咗焗炸雞髀飯，本身想叫焗豬扒飯，但貴幾蚊所以叫咗炸雞髀😂同埋平台有折扣優惠，滿指定金額八折，不過焗野就唔包嘢飲，可以另外加不過10幾蚊，呢個飯折左$62，冇野飲。雖然係外賣送到Office，但係仍然係好熱，雞髀係生炸，好耐冇食過，味道唔錯，茄汁同芝士都幾好，酸度甜度適中，我覺得好食過連鎖店大x樂啲個焗飯，值得推介。