影片
更多
2023-03-17
572 瀏覽
想食日本嘢，唔一定下下追求Omakase，價錢貴唔等於一切，親民嘅都有唔少選擇。位於觀塘商廈區嘅丼瀛，唔係大商場亦都唔係連鎖式經營，距離地鐵站大概8分鐘路程，唔算太過難搵難行。餐廳位於一樓角落，門口大大個心形嘅霓虹燈招牌，而餐廳主打刺身丼飯類。menu選擇都幾多，刺身壽司、燒物炸物、串燒都有得揀，酒類就唔算多。¶丼瀛特選丼 $188用一個大玻璃杯裝上，上枱已經夠晒吸睛。份量一啲都唔使足夠兩個女仔share，有七款海鮮，三文魚、三文魚子、劍魚腩、蝦、海膽、帶子、玉子，全部都新鮮，腩位都好肥美。刺身飯面加咗飯素，令到個飯更加易入口。望落個杯唔係好大，其實非常飽肚。¶天龍卷 $98見個名咁得意，就叫嚟試吓。其實係一條好長嘅炸蝦卷，雖然得四件但係每件都好足料，on top 有燒過嘅三文魚，旁邊仲有辣辣地嘅蛋黃醬。¶赤貝刺身 $68刺身好新鮮，完全冇腥味，好鮮甜！師傅亦都處理得好好切得好靚。¶比目魚西京燒 $88薄身嘅比目魚，燒得好香脆。西京燒嘅味道亦都啱啱好，比目魚魚油味重，亦都好香滑，加埋蛋黃醬，非常有驚喜！！餐廳加入咗好多港式元素，睇得出師傅好用心擺盤同切魚，日本嘢最緊要新鮮。小店價錢，已
位於觀塘商廈區嘅丼瀛，唔係大商場亦都唔係連鎖式經營，距離地鐵站大概8分鐘路程，唔算太過難搵難行。
餐廳位於一樓角落，門口大大個心形嘅霓虹燈招牌，而餐廳主打刺身丼飯類。menu選擇都幾多，刺身壽司、燒物炸物、串燒都有得揀，酒類就唔算多。
¶丼瀛特選丼 $188
用一個大玻璃杯裝上，上枱已經夠晒吸睛。份量一啲都唔使足夠兩個女仔share，有七款海鮮，三文魚、三文魚子、劍魚腩、蝦、海膽、帶子、玉子，全部都新鮮，腩位都好肥美。
刺身飯面加咗飯素，令到個飯更加易入口。望落個杯唔係好大，其實非常飽肚。
¶天龍卷 $98
見個名咁得意，就叫嚟試吓。其實係一條好長嘅炸蝦卷，雖然得四件但係每件都好足料，on top 有燒過嘅三文魚，旁邊仲有辣辣地嘅蛋黃醬。
¶赤貝刺身 $68
刺身好新鮮，完全冇腥味，好鮮甜！師傅亦都處理得好好切得好靚。
¶比目魚西京燒 $88
薄身嘅比目魚，燒得好香脆。西京燒嘅味道亦都啱啱好，比目魚魚油味重，亦都好香滑，加埋蛋黃醬，非常有驚喜！！
餐廳加入咗好多港式元素，睇得出師傅好用心擺盤同切魚，日本嘢最緊要新鮮。小店價錢，已經交足貨。
張貼
