Lagom Kaffe (已結業)

前排黎觀塘海濱啲寫字樓見完客，就search下附近有咩好餐廳同女朋友食飯。我見呢間喺同一棟商廈嘅Lagom Kaffe評價幾好，就一於試下啦！呢度環境好闊落，座位好多，所以唔會擔心好迫。食物選擇頗多，聽店員介紹呢度嘅義大利粉幾多人叫，所以就選了兩份義大利粉，分別係軟殼蟹義大利粉同埋黑松露帶子義大利粉。兩份義粉嘅份量都頗多，賣相吸引，而且攞上黎嘅時候熱辣辣。軟殼蟹義大利粉辣辣地好惹味，而且啲軟殼蟹炸得好香好脆。至於黑松露帶子義粉嘅紀廉好濃好creamy，三粒帶子都好大粒，而且鮮味十足。餐廳門口有個好大嘅甜品櫃，裡面嘅蛋糕都好吸引，所以我地就忍唔住叫左一件柚子cheese cake同埋Opera cake。兩件蛋糕都唔會太甜，而且造型唔錯，唯獨比較細件，唔夠喉呀！總結：呢度食物質素頗高，環境舒適，值得推薦！