Return Coffee House (已結業)

本身自己睇過呢間餐廳嘅OpenRice ,都覺得幾有趣，成日都見到一杯黑蚊蚊嘅飲品，已經想試好耐架啦！今日經過觀塘，終於去咗試一試！原來佢並唔係黑色嘅咖啡，而係black sesame latte。以前一直都以為latte就係牛奶咖啡，原來其實佢只不過係牛奶嘅意大利文，而好多人都會將佢叫做牛奶咖啡啫。所以呢一杯係黑芝麻加牛奶。飲品嘅面頭已經見到一粒粒嘅黑芝麻，本身仲驚佢溝得唔雲，但飲落都OK個喎，好香芝麻味，完全唔會比牛奶蓋過，不過都係細杯左少少。我見佢原來仲有好多嘢食添架，今次淨係飲咗呢杯黑蚊蚊嘅黑芝麻latte， 下次都會想試吓。