小火焰韓式咖啡廳 (觀點中心) (已結業)

近疫情期間cafe 開周街都係嘅時候，偏偏個朋仔就話想食炸雞，好彩觀塘MTR近近地都有間好食嘅炸雞韓食。-蜂蜜脆米炸雞叫咗半份，都有4大塊，分別有2塊雞鎚同埋雞胸。上枱熱辣辣，要攤一陣先食到，個皮好脆，個蜜糖唔會過分甜，食啱啱好。仲有個貼心位，就係有提供即棄手套食雞用，乾淨又衛生。👍🏻👍🏻👍🏻-蝦蕃茄沙律，呢個估唔到都幾大碟，啲菜都好新鮮而且都洗得好乾淨。啲蝦都冇乜雪味，配埋啲醬汁，好開胃。-海鮮炒淮山麵，因為好奇心淮山麵係點樣麵質，點知出奇地好啱我胃口。好滑而且屬於軟身嘅麵，好易唔覺唔覺就食咗好多添😂。而且啲海鮮都好多，有蝦有青口又蟹子配埋翠玉瓜，好足料，口感好豐富。極推介👍🏻