山田海韓國料理

營業中

休息中

今日係星期日，係去朋友聚會之前決定同其中一個朋友黎呢到食個午餐先。呢間餐廳都算隱蔽啦，位於觀塘開源道60號駱駝漆三座3樓U室，但係食物都算幾正宗。坐低落單之後，就上咗一堆前菜，2個人都可以俾6款我地，個人比較喜歡佢個薯仔同埋泡菜，聽講仲係無限添食，正呀。石頭飯加上韓式辣醬，以匙梗撈，辣辣地，開胃又好味。炒年榚好好味，年榚夠軟，個汁夠香辣。呢個粉絲米腸就真係味道一般，但係因為係跟個年榚既，無得分開叫。