潮叔 (駱駝漆大廈第三座) (已結業)

相約同樣喺觀塘返工嘅朋友食lunch，好邪惡咁去咗駱駝漆大廈4/F新開嘅潮叔打邊爐🤟🏻 潮叔主打潮汕牛丸，店內亦都有做零售，有興趣都可以自己買來煮麵或者打邊爐。獨樂樂一人火鍋($88)都幾豐富，包括：肉類、菜籃、五寶盒及麵底。肉類肥牛/吊龍/豚肉/三花趾中四選一，同朋友揀咗吊龍同三花趾，吊龍即係牛裏脊，肉質鮮嫩，帶少許油脂甘香。三花趾則係牛前腿，肉質都好腍，但比吊龍多咗份嚼勁。菜籃蔬菜種類都幾豐富，有娃娃菜、蓮藕、粟米、唐生菜、萵筍！五寶盒有牛丸、魚皮餃、豬肉丸、魚蛋及魚皮。牛丸係潮叔嘅招牌，口感彈牙，肉味香濃！豬肉丸都好食，咬落仲有肉汁！魚皮口感香脆，款式多多，啱晒樣樣都鍾意試嘅我哋！麵底可以揀烏冬、米線、蟹黃麵，絕對飽肚！