影片
更多
2023-02-17
28 瀏覽
每次去朋友位於觀塘嘅工作室，我都會捉住佢一齊發掘附近嘅工廈美食🤤。我想食日本嘢，原本諗住未必有，點知佢就帶咗我去「漁吉海鮮丼專門店」。由於我哋晏咗去，店員話只可以外賣🥡，但都無乜所謂。呢度環境比較簡約，不過都算企理，而且仲有幅牆畫添。餐廳主打壽司同刺身丼🍣，定價算幾進取，不過質素都對得住個價錢。丼飯大大碗，無論餸定飯嘅份量都十足，壽司醋飯酸度適中🍚。三文魚親子丼($148)，親子丼總共有成八片三文魚🐟，而且全部都係厚切。三文魚好肥美，色澤明亮，另外仲配上三文魚籽同蟹籽，爆漿鮮味。比目帆立丼($158)，估唔到左口魚裙邊同帆立貝都經過炙燒🔥，左口魚燒完之後滲出好重魚油香，而帆立貝就好嫩，帶微微醬油鹹香。總括嚟講，呢間小店嘅出品唔錯👍，魚生質素幾好，唔比連鎖店失色。再者，漁吉係支持香港人嘅小店，值得大家多多支持💛。
每次去朋友位於觀塘嘅工作室，我都會捉住佢一齊發掘附近嘅工廈美食🤤。我想食日本嘢，原本諗住未必有，點知佢就帶咗我去「漁吉海鮮丼專門店」。
由於我哋晏咗去，店員話只可以外賣🥡，但都無乜所謂。呢度環境比較簡約，不過都算企理，而且仲有幅牆畫添。
餐廳主打壽司同刺身丼🍣，定價算幾進取，不過質素都對得住個價錢。丼飯大大碗，無論餸定飯嘅份量都十足，壽司醋飯酸度適中🍚。
三文魚親子丼($148)，親子丼總共有成八片三文魚🐟，而且全部都係厚切。三文魚好肥美，色澤明亮，另外仲配上三文魚籽同蟹籽，爆漿鮮味。
比目帆立丼($158)，估唔到左口魚裙邊同帆立貝都經過炙燒🔥，左口魚燒完之後滲出好重魚油香，而帆立貝就好嫩，帶微微醬油鹹香。
總括嚟講，呢間小店嘅出品唔錯👍，魚生質素幾好，唔比連鎖店失色。再者，漁吉係支持香港人嘅小店，值得大家多多支持💛。
張貼
