Add Some Thai Restaurant

營業中

休息中

餐廳裝修以木系做主調，燈罩用咗泰國天燈嘅形狀，而中間有個水池放住唔同顏色嘅螢光波波，帶點泰國色彩，果然配合返餐廳名Add some Thai Restaurant。座位算寬敞，多人嘅話仲可以有預訂包房唱K! 我哋叫咗二人晚餐套餐，包括咗好多種類嘅野食，有頭盤主菜到甜品，另外可以加錢配埋飲品🤓酸辣沙律鳳爪用高身玻璃樽裝住酸辣鳳爪，配有試管嘅汁可以自己調教酸辣度，鳳爪入味，配埋沙律菜開胃二人小食拼盤拼盤有蝦餅豬頸肉同埋兩串串燒，啱晒我哋兩個人又想食唔同種類嘅小食，份量啱啱好！蝦餅炸得香脆蝦，蝦肉彈牙，豬頸肉燒香仲有好多塊海蝦雜錦海鮮冬陰功湯湯用火爐熱住，唔怕凍左，而冬陰功湯酸辣度適中，仲配有幾隻海蝦同埋唔同種類嘅海鮮👍🏻墨汁軟殼蟹意粉除咗一般泰國菜仲搞搞新意思有fusion菜😸，意粉用墨汁炒香，上邊配炸香咗嘅軟殼蟹，配搭幾夾有新意思馬拉盞炒通菜通菜份量算多，炒得夠鑊氣惹味最後食埋Add some Thai Restaurant既招牌甜品，椰汁千層糕，為豐富嘅泰國菜晚餐畫上完美句號