魔膳工房 (已易手) 新餐廳

又黎到觀塘發掘下工廈有d咩好食，今次去左一間好近地鐵站出口既魔膳廚工房食lunch。門口好普通簡單，但入到去空間感好大，中間有個小小既沙律吧，行過小小有個投影機同mon播片，再另一邊就係開放式bar位。午餐只係得set lunch menu，有一個餐包，羅宋湯/忌廉湯，一個主菜同一杯飲品。餐包係提子包，好軟熟。紅湯唔會太酸，白湯又唔會太稠，2款都好不錯。主菜方面，選了粉紅忌廉汁煙三文魚意粉。唔好以為只有意粉面幾片煙三文魚，忌廉汁入面都有好多三文魚肉，而且d汁好掛身，唔會稀稀的，加上車厘茄既小小酸味中和忌廉汁，食哂成碟都唔會太漏。另外一個主菜要咗紐西蘭西冷牛扒配薯角。牛扒要左七成熟，廚師煎得啱啱好，入面既肉仲係粉紅色，好多肉汁。跟餐配左黑椒汁，但我覺得牛扒唔需要點汁都已經好夠味！伴菜既薯角都非常好味，好厚實好脆。飲品加錢叫咗一杯凍mocha同熱檸蜜，檸蜜係正常味道偏甜。而mocha就有驚喜，好濃既咖啡味，又唔會太甜。 總括黎講，呢度性價比好高既餐廳，環境又闊落，係同男女朋友食晚飯既好地方！