CHiLL-i (已結業)

今日收工同母親黎駱駝漆覓食，我地決定試下新野黎左依間西餐聽鋸扒。我地黎果陣仲早未到6點，餐廳冇咩客，不過7點果陣已經幾乎full晒。餐聽地方唔算好大，但係土與枱之間距離唔會好迫，清水牆同埋木質裝修好時尚。椒鹽炒甜粟米手指 - 我禁大個女第一次食椒鹽粟米。味道幾驚喜，椒鹽嘅鹹香同又甜又有汁嘅栗米手指意外地匹配。以小食黎講野又大碟又唔貴幾抵食。法國野生珠雞.羅馬菜 .凱撒醬 - 一碟有兩件，珠雞依種雞又係好少餐廳有，珠雞用左好多香料調味醃製，所以皮到肉都係好入味，配菜落左好多蒜蓉非常香口。慢煮.豬鞍 .温泉蛋 . 飯 - 慢煮豬鞍所以唔會鞋，幾有豬味，而且份量都唔細。溫泉蛋生熟岩岩好。另外一提門口重有賣去骨豬肉札，個樣幾得意又唔貴，搵日買番屋企試下。