掌壽司 (已結業)

套餐包咗日式二人沙律，將鮮蝦刺身放上雜菜沙律上面製成， 再鋪上一些小魚乾加日式酸汁， 非常惹味醒胃。刺身盛嘅魚生可以話樣樣齊，鯛魚、油甘魚、拖羅、海膽、赤蝦和螢光魷魚，全部都非常之鮮味， 厚切嘅時令魚生嘅脂肪分佈均勻， 魚油味十足， 亦非常爽口彈牙。🤩壽司盛包咗三款壽司: 帆立貝、池魚和碎蔥吞拿魚。 最出色嘅係碎蔥吞拿魚，壽司飯上面鋪上滿滿嘅吞拿魚溶， 再深少少蔥花喺面， 入口可以話係非常之滿足。帆立貝和池魚壽司亦係非常之新鮮，而且壽司飯團沒有任何鬆散， 完全盡顯師傅功架。 👍串燒嘅鹽燒沙甸魚，估唔到細細條嘅沙甸魚仔用串燒既做法可以咁好味， 沒有丁點魚嘅腥味之餘，帶有少少椒鹽鹹香，非常惹味 😋壽喜燒鍋物係主打， 主要係來自澳洲產M9和牛配北海道產嘅豚肉。 M9和牛嘅牛味可以話真係冇得輸， 入口不會油膩之餘， 肉質亦非常鮮嫩。🤩🤩