影片
更多
2023-01-21
104 瀏覽
秋意📍觀塘成業街19-21號成業工業大廈6樓29室🌄環境我覺得整體環境幾好，座位算闊落，唔會逼到好辛苦，但係位置喺工廈入面，第一次去可能要跟實啲google map🤣🐣 秋意豉油雞 $89見到圖入面嘅顏色都知，係極度入味嘅，而事實的確如此🥳豉油微甜且粘稠，好好咁附着喺雞嘅每一處，入味之餘又唔會冚過原本嘅雞味，係一隻調味、肉質都做得好好嘅雞🐓唔使點醬都好好食，而且隻雞肥瘦恰當，食到雞油嘅香味嫩滑，又食到緊實嘅雞肉，十分出色！毫不誇張咁，覺得佢係我食過最好食嘅豉油雞，同一般燒味舖嘅豉油雞真係差好遠！🤩薑蔥就做到一個點綴嘅效果，俾你稍微轉下口味，但係我會prefer唔點多啲～🤣推薦度：😋😋😋😋🐠秋意特色酸菜魚 $198呢個真係俾到驚喜我！冇諗過呢個價錢可以食到脆肉鯇，但係就係咁高性價比😚入面嘅料十分豐富，有豆卜、木耳、薯粉等，好有誠意😙而脆肉鯇更加唔使講啦，你見到我哋係毫不費力咁用筷子夾起，就知佢真係好脆，嗰種又脆又滑嘅口感真係百試不厭，，真係幾好。值得一題嘅係呢到嘅薯粉比出面嘅更加有咬口，我幾鍾意呢個口感😍好欣賞嘅係個湯嘅調味，雖然冇得揀辣度，但係我諗大部分人都接受到嘅，並且麻嘅程度好夠，
📍觀塘成業街19-21號成業工業大廈6樓29室
🌄環境
我覺得整體環境幾好，座位算闊落，唔會逼到好辛苦，但係位置喺工廈入面，第一次去可能要跟實啲google map🤣
🐣 秋意豉油雞 $89
見到圖入面嘅顏色都知，係極度入味嘅，而事實的確如此🥳豉油微甜且粘稠，好好咁附着喺雞嘅每一處，入味之餘又唔會冚過原本嘅雞味，係一隻調味、肉質都做得好好嘅雞🐓唔使點醬都好好食，而且隻雞肥瘦恰當，食到雞油嘅香味嫩滑，又食到緊實嘅雞肉，十分出色！毫不誇張咁，覺得佢係我食過最好食嘅豉油雞，同一般燒味舖嘅豉油雞真係差好遠！🤩薑蔥就做到一個點綴嘅效果，俾你稍微轉下口味，但係我會prefer唔點多啲～🤣
推薦度：😋😋😋😋
🐠秋意特色酸菜魚 $198
呢個真係俾到驚喜我！冇諗過呢個價錢可以食到脆肉鯇，但係就係咁高性價比😚入面嘅料十分豐富，有豆卜、木耳、薯粉等，好有誠意😙而脆肉鯇更加唔使講啦，你見到我哋係毫不費力咁用筷子夾起，就知佢真係好脆，嗰種又脆又滑嘅口感真係百試不厭，，真係幾好。值得一題嘅係呢到嘅薯粉比出面嘅更加有咬口，我幾鍾意呢個口感😍
好欣賞嘅係個湯嘅調味，雖然冇得揀辣度，但係我諗大部分人都接受到嘅，並且麻嘅程度好夠，鍾意食花椒嘅人一定勁鍾意！酸辣麻三種味道平衡得好好！😍同埋試得出佢哋嘅湯唔係味精溝成嘅，係真材實料嘅，同埋調味唔會重到完全飲唔落口，攞嚟湯飯or齋飲都好好，而家諗返有啲後悔冇帶走啲湯翻屋企，煮個麵都好啦😭😭😭
推薦度：😋😋😋😋😋
☕️陳皮普洱茶 $8
幾特別，聞落好香果皮味，飲落口又係好香嘅普洱味，後勁又有啲陳皮味出返嚟🤣
推薦度：😋😋😋
☕️ 羅漢果雪梨茶 $8
雪梨甜味好香好突出，聞落有啲羅漢果嘅香味，清香～
推薦度：😋😋😋😋
張貼
