Boon (已搬遷) 新店位置

大蝦海膽醬意大利麵 $128 👍🏻成個麵係熱騰騰咁上枱，呢點非常欣賞！味道亦幾好食！不過最頂最大隻個隻蝦好似有少少唔新鮮。同埋點呢個麵嘅時候有點期望會有真海膽/真海膽嘅味道但沒有，只係有海膽醬味（不過後來睇反，餐點名的確係寫明海膽醬而已🤣）~ 但無論有冇真海膽，一句講哂個麵係好食嘅！鵝肝封門柳溫泉蛋松露飯 $208 👍🏻呢個飯真係好足料，集幾大邪惡美食於一身！先講鵝肝，超好食！然後到封門柳，雖然有點韌（建議先切開成細塊再入口會好好多），但牛味幾香，仲食得出牛上加左鹽花同有焦香添！個飯好夠味，似有黑松露嘅五目飯，加上溫泉蛋混和，好正！雜莓乳酪沙冰 $58 👍🏻都幾fresh幾足料！不錯！