AMONA

營業中

休息中

成個聖誕、元旦假都約到滿曬～又要外遊～有啲朋友根本見唔切～😅唯有放完假先約啦！朋友話見面要有啲儀式感～訂咗個蛋糕嚟切下啦！於是就叫我去拎～原來工廈真係有隱世餅店㗎！觀塘近我，就梗係我去拎啦～地方都好容易搵，有門牌地址就實搵到！！個蛋糕的的骰骰～幾個女士一人兩三啖啱啱好！🥰😝朋友訂咗「香梨伯爵茶蛋糕」～賣相好清雅，蛋糕面頭仲有啲金箔做裝飾，好高貴，儀式感滿滿呀！面頭嘅cream都係伯爵茶口味，幾鬆軟香滑～入面嘅蛋糕都係伯爵茶味，有啲香梨果肉，非常之清新香甜！！最緊要係蛋糕夾層係伯爵茶果凍，配埋蛋糕同忌廉，多重口感～清新香滑～最重要係咩呀？香港人食甜品嘅最高評價係：唔～會～太～甜～呀！！🥰😝🤣