蛋哥 (已結業)

在觀塘返工好幸福，因為總係可以搵到平靚正嘅餐廳！呢日就喺觀塘工業區搵到一間又抵食又坐得耐，服務又周到嘅餐廳~蛋哥！蛋哥，顧名思義，主打蛋料理。店內環境好闊落，坐得舒服！餐牌選擇多樣化，價錢合理抵食，整體味道唔錯！流心蛋包飯（$68）估唔到有日本剖開式嘅蛋包飯，上枱時真係嚇親咗，因為真係超大份！！！滑蛋好嫩滑，仲保留蛋汁添！底下嘅日式醬油炒飯都好足料，有雞肉、火腿、椰菜絲等等，炒得乾身唔油膩，味道豐富，食得勁飽！整體非常抵食！椒鹽豬扒（$30 ）餐廳另一招牌，同平時食開嘅椒鹽豬扒唔係好一樣，佢係豬扒上面加咗秘製嘅醬汁，食落有少少似中式麵豉醬。豬扒比較薄身，但味道都ok，肉質軟腍唔會太乾。