影片
更多
2022-01-29
51 瀏覽
觀塘嘅美食眾多，雲集著不同嘅菜式，最多嘅就係西餐(以我觀察)，而大部分食物離離去去都係嗰D，如果你朋友想食西餐，但你又想食其他實(例如日本菜)咁呢間餐廳就啱哂你啦。 Shack rakuzaka 呢個咁繞口嘅名一講都知係食日本菜。與銅鑼灣嘅shack tapazaka 係姊妹店，tapazaka 即係tapa+izakaya(居酒屋)，主打多款居酒屋串燒料理，而觀塘呢間rauzaka，就係西式料理+居酒屋做主題。 餐廳位於國基集團中心，同知名嘅台灣菜位於同一層。店舖面積寬敞，以黑暗現代風格為主，枱與怡之間用上一個「日式窗户」設計嘅板相隔，空間感高，坐得舒服。夕外座位又有種外國feel，牆壁佈滿葉子，遠離觀塘市區嘅繁榮。 午市餐牌嘅種類繁多，由sourdough至意大利粉，豬架，叉燒飯到魚生飯都有，價錢徘徊喺88-168左右。晚市就有佐酒小食，日式炸物，西式主菜等，有特色。 西班牙黑毛豬叉燒飯定食$128 叫完野食之後，可以去出面嘅自助飲品吧，咖啡檸茶等任飲嬲，好少見餐廳有呢樣野，而我就梗係冲返杯咖啡啦，以機製咖啡黎講真係好唔錯，又有層咖啡脂crema。 定食份量頗多，價錢都ok嘅，又有
Shack rakuzaka 呢個咁繞口嘅名一講都知係食日本菜。與銅鑼灣嘅shack tapazaka 係姊妹店，tapazaka 即係tapa+izakaya(居酒屋)，主打多款居酒屋串燒料理，而觀塘呢間rauzaka，就係西式料理+居酒屋做主題。
餐廳位於國基集團中心，同知名嘅台灣菜位於同一層。店舖面積寬敞，以黑暗現代風格為主，枱與怡之間用上一個「日式窗户」設計嘅板相隔，空間感高，坐得舒服。夕外座位又有種外國feel，牆壁佈滿葉子，遠離觀塘市區嘅繁榮。
午市餐牌嘅種類繁多，由sourdough至意大利粉，豬架，叉燒飯到魚生飯都有，價錢徘徊喺88-168左右。晚市就有佐酒小食，日式炸物，西式主菜等，有特色。
西班牙黑毛豬叉燒飯定食$128
西班牙黑毛豬叉燒飯定食
$128
19 瀏覽
0 讚好
0 留言
叫完野食之後，可以去出面嘅自助飲品吧，咖啡檸茶等任飲嬲，好少見餐廳有呢樣野，而我就梗係冲返杯咖啡啦，以機製咖啡黎講真係好唔錯，又有層咖啡脂crema。
定食份量頗多，價錢都ok嘅，又有得任飲。前菜沙律用上日式柚子醋調味，咸中帶酸，簡單開胃。麵豉湯唔係一味死咸嗰隻，有豆腐粒同紫菜。由於呢度唔係中菜廳，我對叉燒嘅要求都冇咁高。
西班牙黑毛豬叉燒飯定食
$128
11 瀏覽
0 讚好
0 留言
叉燒望落唔多但份量其實足夠，隻碟拎上手仲係暖嘅，確保温度唔會直降。叉燒外皮紅潤，有蜜芽糖帶黎嘅香甜,又有大量黑色嘅燶邊位，帶些微脆口，但食落唔會有燶味。
內裏雖然唔係半肥瘦，但食落唔會覺得柴(除非凍咗之後# 叉燒要熱食)，但佢嘅油份多，可以索哂D油落碗飯度，豬肉夠膽講係黑毛豬肉味就唔會差得去邊。整體黎講都算唔錯。
飯嘅份量龐大，一個女士可能會食唔哂。欣賞餐廳有隻生蛋撈飯，令飯粒更濕潤香滑。除咗生蛋之外，木盆裏仲有一個鰹魚醬油比你撈飯，就咁食落就咸到不得了，將佢加入飯之後就拎飯有層咸香同少少甘味。蔬菜就有酸到阿媽都唔認得嘅話梅蕃茄仔，爽脆而咸酸嘅牛蒡漬物。
張貼
