影片
更多
2022-07-02
240 瀏覽
今日同朋友尼到觀塘工業區嘅一間Coffee shop COTI, 附近區域雖然有好多咖啡店，但係呢間看來比較有特色。一入門口，裏面嘅牆壁，枱櫈都加入木材為主要嘅元素，加上柔和嘅燈光，開放式廚房，仲有舒服大大張嘅梳化，俾人一種舒服嘅感覺。午餐餐單裏面有好多唔同嘅選擇，今日叫咗我個蒲燒鰻魚滑蛋飯以及全日早餐，仲有幫朋友慶祝生日嘅士多啤梨窩夫。午市嘅套餐有跟一杯$38或以下嘅飲品。人均消費70至80幾蚊，奶仲可以免費轉skimmed milk 添。🌟蒲燒鰻魚滑蛋飯（$88）🌟呢度所有食物都係即叫即整，望住店員由煮嘢食到上碟都係一絲不苟，遞上枱嘅時候仲係熱辣辣，食物嘅賣相非常吸引。味道方面，滑蛋嘅口感creamy，綿綿滑滑，入口即溶，係名副其實嘅滑蛋。另外鰻魚大大份，而且嗰鰻魚燒汁好嘢味，加上粒粒分明嘅珍珠米，口感豐富，而且令人食唔停口。🌟全日早餐（$74）🌟呢度嘅全日早餐比起出面食到嘅特別，好受先有大大個嘅哈密瓜，好似一個大大嘅的笑容咁，令人心花怒放。而且哈密瓜非常爽口，新鮮又甜，簡直冇得挑剔。之後有雞扒，滑蛋，雞扒，沙律，煙三文魚，茄汁豆同埋牛油麵包。麵包似係酸種麵包，烘得熱辣辣脆卜卜，但
今日同朋友尼到觀塘工業區嘅一間Coffee shop COTI, 附近區域雖然有好多咖啡店，但係呢間看來比較有特色。一入門口，裏面嘅牆壁，枱櫈都加入木材為主要嘅元素，加上柔和嘅燈光，開放式廚房，仲有舒服大大張嘅梳化，俾人一種舒服嘅感覺。
午餐餐單裏面有好多唔同嘅選擇，今日叫咗我個蒲燒鰻魚滑蛋飯以及全日早餐，仲有幫朋友慶祝生日嘅士多啤梨窩夫。午市嘅套餐有跟一杯$38或以下嘅飲品。人均消費70至80幾蚊，奶仲可以免費轉skimmed milk 添。
🌟蒲燒鰻魚滑蛋飯（$88）🌟
蒲燒鰻魚滑蛋飯
$88
10 瀏覽
0 讚好
0 留言
呢度所有食物都係即叫即整，望住店員由煮嘢食到上碟都係一絲不苟，遞上枱嘅時候仲係熱辣辣，食物嘅賣相非常吸引。味道方面，滑蛋嘅口感creamy，綿綿滑滑，入口即溶，係名副其實嘅滑蛋。另外鰻魚大大份，而且嗰鰻魚燒汁好嘢味，加上粒粒分明嘅珍珠米，口感豐富，而且令人食唔停口。
🌟全日早餐（$74）🌟
呢度嘅全日早餐比起出面食到嘅特別，好受先有大大個嘅哈密瓜，好似一個大大嘅的笑容咁，令人心花怒放。而且哈密瓜非常爽口，新鮮又甜，簡直冇得挑剔。之後有雞扒，滑蛋，雞扒，沙律，煙三文魚，茄汁豆同埋牛油麵包。麵包似係酸種麵包，烘得熱辣辣脆卜卜，但係稍嫌雞扒偕咗少少。
🌟骯髒咖啡 DIRTY COFFEE（+$24）🌟
套餐只要加$24就飲到尼杯超足料，極好飲嘅古早咖啡。算係舖頭嘅Signature drink, 骯髒咖啡嘅買相果然非常dirty,整到我隻手都係朱古力粉。呢杯超足料嘅dirty coffee,有厚厚嘅岩鹽芝士係面層，入面係超濃厚嘅咖啡及朱古力摩卡，奶味超重，口感香滑豐富，首先打卡一流，而且味道豐富，誠意推介
🌟焦糖海鹽咖啡🌟
10 瀏覽
0 讚好
0 留言
呢一杯又係另一傑作，奶味香濃，又不失焦糖味道，仲有啖啖都飲到香濃嘅咖啡味。咖啡面層仲有三粒咖啡豆作裝飾，賣相精緻。
🌟士多啤梨窩夫（$88）🌟
士多啤梨忌廉窩夫
8 瀏覽
0 讚好
0 留言
呢個窩夫等左差唔多等左半個鐘，因為店舖真係人流太旺，等到有啲唔耐煩啦。但係出嚟嘅質素真係令人喜出望外，即刻怒氣全消。聽店員講呢個係舖頭嘅新作品，首先窩夫遞上枱時熱騰騰，非常香脆。上面的水果及忌廉都超足料，介紹翻忌廉唔係普通嘅whipping cream，而係有一層厚厚嘅意大利忌廉芝士，Mascarpone,通常用於製作Tiramisu,口感比起普通cream冇咁膩，而且較細滑，襯托窩夫及士多啤梨味道出乎意料之外超搭配，成為今日最大嘅驚喜，而雙層既士多啤梨同埋藍莓一啲都唔吝嗇，水果分量十足，啖啖都係天堂般嘅享受。食完真係覺得好食到快要飛起。🤣
好耐冇食過一間質素咁好而且價錢實惠嘅餐廳，雖然位置係遠咗少少，但係值得再幫襯。如果自己一個人過嚟做吓嘢，食個T放鬆吓都係一個唔錯嘅選擇。
張貼
