影片
更多
2023-03-27
54 瀏覽
一落機太肚餓想快手買餐外賣又唔想求其食一餐就算，經過觀塘買咗呢間三文治店嘅外賣，睇餐牌見到有好多選擇，除咗招牌特色三文治、自選沙律同小食外，仲有牛角包窩夫同奶昔，款款都好似好正咁唔覺意嗌咗好多，就算係外賣拎到返屋企都依然好味，如果喺觀塘老母想快食高質快餐可以試試佢呀～自選沙律羅馬生菜、吞拿魚塊、西蘭花、烤雞肉、菠蘿、是拉差蛋黃醬呢個價錢有齊1份沙律菜加4款配料算抵食，而且配料選擇又好多，實有一款啱你，是拉差蛋黃醬味道似普通蛋黃醬但多咗啲辣味，唔同一般沙律醬。蝦兵蟹將鐵板三文治足料到令我唔知點開始食～鍾意佢哋嘅自製醋漬紅蘿蔔絲，酸香味道同炸軟殼蟹好夾，啖啖龍蝦肉又夾住甘藍菜沙律、青瓜等，好fresh～Oreo牛角包窩夫賣相一流好吸引，食落好酥脆，加埋唔算好甜嘅忌廉同Oreo餅碎，甜品控要試試！凍黑咖啡 / Oreo沙冰咖啡唔會太淡或太濃；見好多人嗌Oreo沙冰，天氣開始熱飲佢就最啱！
自選沙律
羅馬生菜、吞拿魚塊、西蘭花、烤雞肉、菠蘿、是拉差蛋黃醬
呢個價錢有齊1份沙律菜加4款配料算抵食，而且配料選擇又好多，實有一款啱你，是拉差蛋黃醬味道似普通蛋黃醬但多咗啲辣味，唔同一般沙律醬。
蝦兵蟹將鐵板三文治
足料到令我唔知點開始食～鍾意佢哋嘅自製醋漬紅蘿蔔絲，酸香味道同炸軟殼蟹好夾，啖啖龍蝦肉又夾住甘藍菜沙律、青瓜等，好fresh～
Oreo牛角包窩夫
賣相一流好吸引，食落好酥脆，加埋唔算好甜嘅忌廉同Oreo餅碎，甜品控要試試！
凍黑咖啡 / Oreo沙冰
咖啡唔會太淡或太濃；見好多人嗌Oreo沙冰，天氣開始熱飲佢就最啱！
張貼
