潮叔 (駱駝漆大廈第三座) (已結業)

絕對係觀塘打工仔恩物，非常推介佢哋嘅一人火鍋，呢個set包咗湯底、蔬菜、丸類、牛肉一份，牛肉有幾個部位可以揀。如果唔知點揀，佢哋嘅職員都會介紹返每一個部位有咩特別同埋口感、味道。上菜嘅時候仲會提你，啲牛肉煮幾耐，真係好貼心。今次同朋友都係揀咗吊籠呢個部位，湯底就揀咗蕃茄同沙茶湯 。好值得讚嘅位係，佢哋係做到個湯底好香，而唔會太過重味，咁就唔會蓋過牛肉嘅鮮味，做到湯底同牛肉相輔相成嘅效果。嘢飲就試咗支幾特別嘅王榨玉油柑，飲落去清新帶少少澀，好消滯、解膩嘅感覺，值得一試!!