炙伴

營業中

休息中

最近冇點出街食飯，返工返shift同事們又wfh，一個人悶悶地，不如就發掘下附近有咩新餐廳好食。結果係街到收到份新傳單，不如就試試。因為外賣自取九折，咁我就直接上去嗌，等左一陣就拎得。呢間其實係專做外賣丼飯嘅餐廳，有好幾款丼飯，唔食飯嘅仲有沙律揀，選擇都算多。咁我就最保守咁揀左個溫泉蛋丼飯，本身期望唔算好大，因為食咗咁多年吉野家，大概估到係點。但原來我以前劣食得太緊要😂 牛肉同洋蔥炒得幾香，撈埋個蛋好好食！強烈建議大家要加蛋。本身以為佢份量會細，但其實飯量好夠，食完飽到上心口，下午茶都唔使食。跟餐仲有麥茶同中華沙律。我諗我下次會想試下個唐揚炸雞飯。老闆話whatsapp落單會方便啲，咁我下次都會用whatsapp落，唔使傻更更咁企係到等。