金記冰室 (Two Harbour Square) (已結業)

觀塘本來已有金記，最近又有一間新開金記冰室，位置在偉業街，附近比較多辦公室。QR code落單，方便自己，而且唔怕落錯單。晚市有小菜供應：海南雞套餐（$65）：雞肉大件啖啖肉，配油飯一流；雖然少左辣醬，但都有薑蓉醬及甜豉油。拍薑菜心炒牛肉（$58）：夠薑，菜心都算嫩，牛肉冇犯茶餐廳通病，冇落太多鬆肉粉。椒鹽豬扒（$63）：有鑊氣，炸蒜好香，好好撈飯的一味餸。粟米魚柳（$61）：一樣好好撈飯，因為有我最愛嘅忌廉粟米汁！小菜加$15跟餐後，飲品半價，更抵飲！呢度仲有奶茶、蛋捲可以外賣！