水木日本料理 (已結業)

觀塘真係好多好嘢食，又有一間新嘅日本菜位置係開源道尾，好易搵，雖然係地舖，但原來無咩人知，等我推介下啦😉裝修簡潔整齊，食物都幾多款式，刺身、壽司一定有，仲有燒物、串燒、拉麵、烏冬等等，我今次就叫咗：時令原條笠子魚薄切(時令魚) - $238(時價)好新鮮，肉質白淨鮮甜，油份雖高，但入口即溶，令口感更加潤滑。炸雞軟骨 - $68有些舖頭啲雞軟骨炸到好乾，又無味，呢度整得唔錯，好香口，唔乾，好似仲係即叫即炸，加啲檸檬汁，無咁熱氣，送酒一流。串燒薩摩雞翼 - $152(@$38)必點雞翼，外皮脆而不油，肉質嫩滑juicy，調味唔會蓋過雞肉味道，味道恰到好處。