潮叔 (駱駝漆大廈第三座) (已結業)

🔸五寶米線 $52🔸咖喱牛腩飯 $58🔸加配小食 +$12@-駱駝漆新開嘅飯堂，主打潮汕風味，小妹鄉下都係潮州緊係要朝聖下～叫咗碗五寶米線，有齊蝦丸、牛丸、魚丸、魚皮餃同魚冊，湯底揀咗比較清淡嘅豬骨湯，另外仲有麻辣湯可以揀的。男朋友就食咖喱牛腩飯，咖喱好濃郁好味，牛腩燘得夠稔又有牛味，仲有啲薯仔添。另外$12就可以加配一款小食，今日好肚餓所以叫咗好幾款。涼拌雲耳、青瓜、皮蛋，麻辣好香好開胃！蒜香雞翼即叫即炸熱辣辣，加埋炸蒜食好惹味。仲有好耐冇食過嘅潮州韭菜粿，一解思鄉情懷啊！