影片
更多
2022-10-11
1754 瀏覽
最近日本通關大家都紛紛返「家鄉」日本旅遊🇯🇵 而無趁機會即刻去旅行嘅我就繼續喺香港回味吓日本「家鄉菜」🥢「一汁一菜」喺日本意思係指一碗湯一碗主菜再配碗飯，係最經典嘅日式料理配搭🍚 今次到訪呢間餐廳係主打健康日式家庭料理，有湯、咖喱飯、小菜、飲品、沙律及麵包選擇，啱哂輕食人士💁🏻♀️ 佢哋觀塘店只提供外賣，如果要堂食就要去其他分店喇👀❤️ 湯+一品料理+日本米飯 $69☞︎ 法式龍蝦濃湯 (另+$10)龍蝦湯足料濃稠，色澤橙紅，面頭放咗幾粒爽彈龍蝦肉，個湯味道鮮美，加咗忌廉口感更順滑！試咗嚟撈飯食，都幾唔錯🤣 配石窯麵包應該會更加適合🥖☞︎ 番茄菠菜芝士雞肉卷雞上髀肉包住芝士同菠菜，雞肉卷唔易散都算紥實，表面有輕輕煎過，餐廳細心咁去咗皮，更健康亦唔油膩，啖啖肉又夠滑😙 蘸上自家製番茄汁，酸酸地幾醒胃😝❤️ 湯+一品料理+日本米飯 $69☞︎ 花菜巴馬火腿濃湯望落去好似豌豆湯咁，其實係用上西蘭花同昆布熬製，有幾滴橄欖油點綴，入面有洋蔥同幾嚿軟綿薯仔🥔 最正係有一大片巴馬火腿乾喺面頭，增添鹹香味道～ 細食人士可能飲呢碗湯加個白飯已經好夠飽🤭☞︎ 油揚豆腐黑豚薑汁燒一道好經典嘅日本家常菜，平時喺屋企扮日本
「一汁一菜」喺日本意思係指一碗湯一碗主菜再配碗飯，係最經典嘅日式料理配搭🍚
今次到訪呢間餐廳係主打健康日式家庭料理，有湯、咖喱飯、小菜、飲品、沙律及麵包選擇，啱哂輕食人士💁🏻♀️ 佢哋觀塘店只提供外賣，如果要堂食就要去其他分店喇👀
❤️ 湯+一品料理+日本米飯 $69
☞︎ 法式龍蝦濃湯 (另+$10)龍蝦湯足料濃稠，色澤橙紅，面頭放咗幾粒爽彈龍蝦肉，個湯味道鮮美，加咗忌廉口感更順滑！試咗嚟撈飯食，都幾唔錯🤣 配石窯麵包應該會更加適合🥖
☞︎ 番茄菠菜芝士雞肉卷雞上髀肉包住芝士同菠菜，雞肉卷唔易散都算紥實，表面有輕輕煎過，餐廳細心咁去咗皮，更健康亦唔油膩，啖啖肉又夠滑😙 蘸上自家製番茄汁，酸酸地幾醒胃😝
❤️ 湯+一品料理+日本米飯 $69
☞︎ 花菜巴馬火腿濃湯望落去好似豌豆湯咁，其實係用上西蘭花同昆布熬製，有幾滴橄欖油點綴，入面有洋蔥同幾嚿軟綿薯仔🥔 最正係有一大片巴馬火腿乾喺面頭，增添鹹香味道～ 細食人士可能飲呢碗湯加個白飯已經好夠飽🤭
☞︎ 油揚豆腐黑豚薑汁燒一道好經典嘅日本家常菜，平時喺屋企扮日本家庭主婦都會整吓豚肉生薑燒😂 呢款特別之處係加入咗好索汁油揚豆腐，佐飯一流😚 薑汁味道溫和，黑豚肉肥瘦適中，配埋洋蔥、椰菜等蔬菜，營養均衡簡單健康😏
餐廳推薦度：⭐️⭐️⭐️⭐️ (4/5)
觀塘區打工仔又一外賣選擇！等候時間唔太耐，包裝好實淨，拎到返去都無漏汁嘅情況👌🏻
一個餐有齊湯、飯同小菜，幾抵食😆 兩個人叫限定二人前share仲更加豐富添😎
張貼
