自家燒吧 (已結業)

想食又想玩，可以考慮下呢間。本身打算過黎食burger，到左先發現星期日唔開。諗緊轉去食乜就俾下面既姐姐宣傳成功！佢既價錢又唔算貴，同埋都叫做任飲任食。我地叫左兩個鍾，不過我建議一個鍾都夠了，兩個原來太長！佢外面有唔同串燒拎，例如牛羊雞串，茹呀，秋葵呀，粟米等等。都有少少生果，沙律，麥樂雞等等可以夾。除此之外，都有啲小食紙可以叫。款式都算多，不過有啲要加錢。不過我覺得免費既都夠食。佢既串燒有個架俾你燒，識自己轉，好得意。有幾隻醬同粉俾大家調味。小食例子如下。埋尾有巢雀雪糕，不過我就prefer燒cotton candy，正正正！值得一試！