潮叔 (駱駝漆大廈第三座) (已結業)

朋友係牛魔王！最鍾意搵靚牛食！觀塘出名多美食，呢間係朋友推介！自然要去探店！睇返餐牌價錢非常合理，而且又打邊爐供應，可惜今日有少少趕時間，所以決定先嚐粉麵😀沙茶牛肉撈米線配紫菜牛丸湯～去到食牛嘅地方當然要有牛啦！牛肉同牛丸各有唔同口感！牛肉混和沙茶醬嘅惹味亦食得出牛肉嘅嫰滑。牛丸彈牙、有肉汁！超水準之作！沙茶牛丸湯米線～沙茶湯底注入豆卜，夠晒入味！米線非常香滑～大大碗！女仔差啲都食唔哂😂蜜汁雞翼～外層非常酥脆而且浸滿蜜汁，甜甜脆脆啱晒女仔口味，內裏雞肉亦非常柔嫩！涼拌皮蛋～微辣嘅皮蛋非常開胃！有三款醬料係自家製嘅！堂食未夠喉嘅話可以外帶返屋企慢慢嘆。