影片
更多
2023-03-25
75 瀏覽
🍝🍝🍝觀塘新商場都開左一段時間，但都未研究過入面有咩好野食，今日就搵左間去試一試先餐廳位於三樓平台花園，有眾多餐廳集中一齊，就好似大家一齊share中間既花園一樣餐廳唔算大，樓底高加落地大玻璃，增強了空間感，而且坐位唔多，感覺都坐得舒服唔會逼硤二人Set Dinner ($499)沙律/是日餐湯（每人二選一）簡左餐湯椰菜花香草忌廉湯，湯入而加了檻欖油，個人覺得無需要，因為湯已經好滑好Creamy小食（七選二）自家製明太子薯蓉球配綿羊芝士，熱辣辣加少少芝士係面，好看好好味，加上明太子有少少辣味，令薯蓉球唔會太膩，好有新鮮感另一款簡左阿根廷生紅蝦牛油果他他多士，生紅蝦好突出，多士好脆口，加埋牛油果同沙律醬，感覺清新好味簡左主食（七選二）👎🏻👎🏻👎🏻伯爵茶慢燴安格斯牛面頰意粉，牛面頰好淋好有肉味，伯爵茶味加埋少少乾蕃茄，味道少少奇怪，明白可能想創新，但加埋意粉都覺得偏咸卡邦尼煙豬腩意粉，聽到卡邦尼其實都知道味道如何，但都係偏咸，而且愈食愈膩，感覺用左好多牛油同忌廉煮成甜品（五選一）簡左雲尼拿士多啤梨批，好好味，的確用心製作，士多啤梨餅少少甜，加埋旁邊帶酸既醬，可以話係恰到好處Mocha ($
觀塘新商場都開左一段時間，但都未研究過入面有咩好野食，今日就搵左間去試一試先
餐廳位於三樓平台花園，有眾多餐廳集中一齊，就好似大家一齊share中間既花園一樣
餐廳唔算大，樓底高加落地大玻璃，增強了空間感，而且坐位唔多，感覺都坐得舒服唔會逼硤
二人Set Dinner ($499)
沙律/是日餐湯（每人二選一）
簡左餐湯椰菜花香草忌廉湯，湯入而加了檻欖油，個人覺得無需要，因為湯已經好滑好Creamy
小食（七選二）
自家製明太子薯蓉球配綿羊芝士，熱辣辣加少少芝士係面，好看好好味，加上明太子有少少辣味，令薯蓉球唔會太膩，好有新鮮感
另一款簡左阿根廷生紅蝦牛油果他他多士，生紅蝦好突出，多士好脆口，加埋牛油果同沙律醬，感覺清新好味
簡左主食（七選二）👎🏻👎🏻👎🏻
伯爵茶慢燴安格斯牛面頰意粉，牛面頰好淋好有肉味，伯爵茶味加埋少少乾蕃茄，味道少少奇怪，明白可能想創新，但加埋意粉都覺得偏咸
卡邦尼煙豬腩意粉，聽到卡邦尼其實都知道味道如何，但都係偏咸，而且愈食愈膩，感覺用左好多牛油同忌廉煮成
甜品（五選一）
簡左雲尼拿士多啤梨批，好好味，的確用心製作，士多啤梨餅少少甜，加埋旁邊帶酸既醬，可以話係恰到好處
Mocha ($53) & Matcha Latte ($50)
兩杯都正正常常既味道，跟餐無飲品，所以係額外Order
再次推介阿根廷紅蝦牛油果他他多士及雲尼拿士多啤梨批，小食同甜品比較好👍🏻👍🏻👍🏻
張貼
