叁拾咖啡室 (已結業)

同老婆行街行到攰， 喺門口見到佢個名叫30咁得意， 就入咗嚟呢間舖頭食嘢， 係唔係太肚餓嘅情況底下， 試咗佢個特色金磚套餐， 佢有兩嚿黃金磚仲可以配埋其他選擇例如豬扒包美式漢堡包，做得比一般西多士做得厚身香軟， 比一般茶餐廳嘅套餐都多選擇， 大概有三四十個套餐可揀， 最特別係有啲素食套餐可以提供， 啱曬唔同口味嘅人士， 嗰杯奶茶都有香濃茶味， 以三十幾蚊一個套餐嚟講都叫抵食， 如果下次有機會黎開呢頭， 都可以再去試下去其他套餐