影片
更多
2023-02-06
112 瀏覽
最近發現觀塘一間新開餐廳，裝修環境好靚，走北歐舒服路線🦌，而且座位寬闊唔逼，Soft Opening試業期間仲有全日全單9折，預計一月正式開業，響Apm行左陣就帶埋酒粒B過嚟食嘢坐坐。餐廳位於成業街，成業工業大廈門口行入去，穿過大堂信箱位置就見到，就在地下個層，唔使上樓，地點有些隱世，但係唔難搵。入到去見到北歐風裝修，大大排米白色梳化🛋️，加上好多聖誕🎄⭐️佈置，真係心心眼😍，超級有氣氛。餐廳用QR code落單，非常方便，今次叫咗一個小食🍟、一個主食🍛、兩個甜品🥞和兩杯飲品🍹，價錢仲要唔貴。👶🏻比返個資訊俾幼兒家長，餐廳有提供BB High Chair，所以帶埋小朋友過嘆杯咖啡、食甜品都好適合。炸魚薯條配塔塔汁 ($58)$58食到炸魚薯條🍟，其實都幾抵食，而且份量都多有三嚿魚🐟，粉漿夠薄，雖然唔算好脆，但係食落去魚肉好嫩滑，加埋薯條好味。明太子大蝦🦐燴飯 ($128)好推介的燴飯，佢個明太子汁好好味，夠晒Creamy，裏面仲有食到三文魚子口感卜卜脆，幾隻大蝦🍤都好彈牙，意大利飯唔硬，呢個燴飯有水準、超好味😋！⭐️👸🏻👩🏻女士養顏必點 #獨家首創紅棗燕窩疏乎厘班戟 🥞$158（製作需時，請
餐廳位於成業街，成業工業大廈門口行入去，穿過大堂信箱位置就見到，就在地下個層，唔使上樓，地點有些隱世，但係唔難搵。
入到去見到北歐風裝修，大大排米白色梳化🛋️，加上好多聖誕🎄⭐️佈置，真係心心眼😍，超級有氣氛。
餐廳用QR code落單，非常方便，今次叫咗一個小食🍟、一個主食🍛、兩個甜品🥞和兩杯飲品🍹，價錢仲要唔貴。
👶🏻比返個資訊俾幼兒家長，餐廳有提供BB High Chair，所以帶埋小朋友過嘆杯咖啡、食甜品都好適合。
炸魚薯條配塔塔汁 ($58)
$58食到炸魚薯條🍟，其實都幾抵食，而且份量都多有三嚿魚🐟，粉漿夠薄，雖然唔算好脆，但係食落去魚肉好嫩滑，加埋薯條好味。
炸魚薯條配塔塔汁
$58
10 瀏覽
0 讚好
0 留言
明太子大蝦🦐燴飯 ($128)
好推介的燴飯，佢個明太子汁好好味，夠晒Creamy，裏面仲有食到三文魚子口感卜卜脆，幾隻大蝦🍤都好彈牙，意大利飯唔硬，呢個燴飯有水準、超好味😋！
明太子大蝦燴飯
$128
10 瀏覽
0 讚好
0 留言
⭐️👸🏻👩🏻女士養顏必點 #獨家首創
紅棗燕窩疏乎厘班戟 🥞$158
（製作需時，請預早20至45分鐘落單）
有幾款疏乎厘可以選擇，呢一款應該係得呢度有得食，Kaka Mama咁貪靚一於揀呢一款！一上到枱真係 嘩一聲，兩塊厚厚班戟🥞，上面淋滿紅棗吉士醬，仲有金箔喺上面，好豪華呀！滿滿紅棗燕窩圍住碟邊，疏乎厘班戟入口鬆軟，唔會輕飄飄，加埋自家製清甜吉士醬，兩個人食啱啱好，充滿幸福感。加入中式紅棗元素又養顏💄又好味，女士👩🏻👸🏻必點！
紅棗燕窩疏乎厘班戟
$158
7 瀏覽
0 讚好
0 留言
🎄聖誕限定 ⭐️士多啤梨芝士麻糬樹頭蛋糕 （$78）
呢款朱古力樹頭蛋糕，酒粒B見到即刻心心眼，超級大愛，外面朱古力微苦，裏面係士多啤梨味🍓忌廉同埋吉士醬，內餡包住大粒麻糬，食到中間煙煙韌韌，面層合桃香脆好味，最有驚喜係嗰棵聖誕樹🎄，原來係綠色忌廉包住一粒士多啤梨🍓，再加上一粒星星餅⭐️，士多啤梨甜得來，真係好有心思，手工之作！絕對唔係得個樣！
士多啤梨芝士麻糬樹頭蛋糕
$78
5 瀏覽
0 讚好
0 留言
蜜桃乳酪 (+10)
甜品和主菜都可以加配雪糕，口味有蜜桃雪糕、蜜桃🍑乳酪和柚子乳酪選擇。蜜桃乳酪🍨淡淡桃味，啫喱質感，可以清一清味蕾👅，食完好舒服。
雜莓🍓🫐沙冰 (主食加配$18）
用幾款雜莓現打，冰沙🍧打得幼滑，加埋上面的忌廉好香滑，入口酸微微好開胃，主食加配$18起，就可加配咖啡☕️或特飲🍹，絕對抵飲！
雜莓沙冰
$18
11 瀏覽
0 讚好
0 留言
熱鮮奶抹茶 🍵(單點 $32)
熱飲杯碟夠晒精緻，抹茶🍵香濃，奶泡細滑，冬天❄️飲完個肚暖笠笠！
熱鮮奶抹茶
$32
6 瀏覽
0 讚好
0 留言
食物: ⭐️⭐️⭐️⭐️
食物款式選擇多，炸物、燴飯做得好出色！當然仲有必點甜品～疏乎厘班戟🥞，一定要食埋作結尾😋
環境: 最值得一讚係餐廳空間好大，卡位坐得好舒服！目測大約有20幾張枱，大部份有梳化坐得非常舒服，適合和大班朋友聚餐，傾談一個晚上。餐廳裝修北歐風格，經過精心設計，加上柔和燈光，另外特設一間VIP玻璃房，想私隱度提高，記得提早同餐廳預約！
🌟🌟🌟🌟總結: 見到係一班年輕廚師店主用心經營，試業期間都做得好唔錯～👍🏻有水準，值得多多支持，他日必成排隊熱店，期待下次過黎試埋意粉、沙律，同埋法式檸檬撻🍋。
==============================
==============================
張貼
